عمر سليمان احد اعمدة نظام مبارك ومعروف ولاءه لامريكا واسرائيل ومتهم بجرائم ضد الانسانيه واتقدمت ضده بلاغات احيلت للنيابه العسكريه ليه متقدمش للتحقيق لغايه دلوقت ؟؟!!!!!! وبدل ما يتقدم للتحقيق هيترشح لرئاسة الجمهوريه !!!!!!!!!
واضح ان عمر سليمان فيه حد بيحميه والجيش مش بعيد عن ده اما بضغوط خارجيه او ضغوط فلوليه مش عارفه لكن الاكيد ان عمر سليمان عنده اسرار كتيرلازم تفضل اسرار ومتتحطش في اوراق تحقيق وتطلع للاعلام ده مش من مصلحة جهات كتير داخليه وخارجيه .. يبقي كدا النظام لسه موجود و بيعاد انتاجه من جديد والادله كتير ..!!!!!!!!!!!!!!!!!!!!!
من يوم ما دعت القوي السياسيه لجمعة الغضب الثانيه وبدات حملة التكفير والتخوين والحقيقه ان ده كان نتاج استفتاء تقسيم المجتمع وليس استفتاء تعديل الدستور لان الدستور اتلغي وصدر اعلان دستوري ؟!!!!!!! ولما ينقسم المجتمع علي اساس ديني يبقي كدا نظام مبارك لسه موجود بشحمه ولحمه ودمه البارد اللي ميفرقش معاه مصلحة مصر ولا مصلحة الشعب المصري ومن يوم جمعة الغضب التانيه وبدأت ملامح الانقلاب علي الثوره تبان شويه شويه :
1- الانفلات الامني مع سبق الاصرار والترصد ومفيش خطوه واحده بتتاخد ضد المفسدين من رجال الشرطه قبل 25 يناير او بعدها
2- عودة تصدير الغاز لاسرائيل رغم عدم تعديل السعر مع ان كل الخبراء قالوا ان اسرائيل حتي لو لجأت للتحكيم هتخسر .
3- استمرار مبارك وزو جته في شرم الشيخ وزيادة جرعة الاخبار عن مرضه واكتئابه لابتزاز المشاعر .
4- تغيير لقب مبارك في التلفزيون المصري من الرئيس المخلوع الي الرئيس السابق.
5-معبر رفح كل شويه يتقفل ويتفتح ومحدش فاهم بيتقفل ليه ولا بيتفتح ليه وايه طبيعة العراقيل اللي بتتحط للمارين وليه؟.
6- استمرار الصراع بين التيار الديني والقوي الساسيه اللي بيكبر و يتررعرع في رعاية المجلس العسكري.
7- رفض وضع الدستور اولا والاصرار علي الانتخابات اولا في ظل فوضي امنيه وصراع سياسي يستغل فيه الدين اسوأ استغلال ودون وضع اي ضوابط قانونيه للدعايه الانتخابيه .. وحتي لو افترصنا ان الانتخابات تمت فالصراع لن ينتهي مع وضع الدستور بل سيزيد ويتنامي وهو ده المطلوب بالضبط من المصريين ولذلك ...
النتيجه المنطقيه اللي بيحصل ده هتكون ايه ؟؟؟؟؟؟؟؟؟؟؟؟
الاجابه :
ينزل الجيش تاني ده لو كان مشي اساسا وابقو سلمولي علي الديمقراطيه والحريه والانتخابات اولا وللا الدستور اولا ويا عيني علي الثوره اللي راحت هدر .. ده مش خيال ولا تهبيل ده المنطق والنتيجه الحتميه للي بيحصل او بيتمهد له لو القوي السياسيه ما فاقتش لنفسها وفكرت في مصلحة مصر قبل مصلحتها علي الاقل في الخمس سنين الاولانيين لغايه م يتحط الاساس اللي تتبني عليه الدوله وبعد كدا كل واحد يعمل اللي هو عايزه ويدور علي مصالحه براحته لو القوي السياسيه مشتغلتش لمصلحة مصر وحطتها فوق كل اعتبار المصريين هيلاقوا نفسهم وشهم في وش عمر سليمان او اي حد شبهه وساعتها لاهيبقي فيه اخوان ولا سلفيين ولا ليبراليين ولا .............. ولا عزاء للأغبياء والانتهازيين .
واضح ان عمر سليمان فيه حد بيحميه والجيش مش بعيد عن ده اما بضغوط خارجيه او ضغوط فلوليه مش عارفه لكن الاكيد ان عمر سليمان عنده اسرار كتيرلازم تفضل اسرار ومتتحطش في اوراق تحقيق وتطلع للاعلام ده مش من مصلحة جهات كتير داخليه وخارجيه .. يبقي كدا النظام لسه موجود و بيعاد انتاجه من جديد والادله كتير ..!!!!!!!!!!!!!!!!!!!!!
من يوم ما دعت القوي السياسيه لجمعة الغضب الثانيه وبدات حملة التكفير والتخوين والحقيقه ان ده كان نتاج استفتاء تقسيم المجتمع وليس استفتاء تعديل الدستور لان الدستور اتلغي وصدر اعلان دستوري ؟!!!!!!! ولما ينقسم المجتمع علي اساس ديني يبقي كدا نظام مبارك لسه موجود بشحمه ولحمه ودمه البارد اللي ميفرقش معاه مصلحة مصر ولا مصلحة الشعب المصري ومن يوم جمعة الغضب التانيه وبدأت ملامح الانقلاب علي الثوره تبان شويه شويه :
1- الانفلات الامني مع سبق الاصرار والترصد ومفيش خطوه واحده بتتاخد ضد المفسدين من رجال الشرطه قبل 25 يناير او بعدها
2- عودة تصدير الغاز لاسرائيل رغم عدم تعديل السعر مع ان كل الخبراء قالوا ان اسرائيل حتي لو لجأت للتحكيم هتخسر .
3- استمرار مبارك وزو جته في شرم الشيخ وزيادة جرعة الاخبار عن مرضه واكتئابه لابتزاز المشاعر .
4- تغيير لقب مبارك في التلفزيون المصري من الرئيس المخلوع الي الرئيس السابق.
5-معبر رفح كل شويه يتقفل ويتفتح ومحدش فاهم بيتقفل ليه ولا بيتفتح ليه وايه طبيعة العراقيل اللي بتتحط للمارين وليه؟.
6- استمرار الصراع بين التيار الديني والقوي الساسيه اللي بيكبر و يتررعرع في رعاية المجلس العسكري.
7- رفض وضع الدستور اولا والاصرار علي الانتخابات اولا في ظل فوضي امنيه وصراع سياسي يستغل فيه الدين اسوأ استغلال ودون وضع اي ضوابط قانونيه للدعايه الانتخابيه .. وحتي لو افترصنا ان الانتخابات تمت فالصراع لن ينتهي مع وضع الدستور بل سيزيد ويتنامي وهو ده المطلوب بالضبط من المصريين ولذلك ...
النتيجه المنطقيه اللي بيحصل ده هتكون ايه ؟؟؟؟؟؟؟؟؟؟؟؟
الاجابه :
ينزل الجيش تاني ده لو كان مشي اساسا وابقو سلمولي علي الديمقراطيه والحريه والانتخابات اولا وللا الدستور اولا ويا عيني علي الثوره اللي راحت هدر .. ده مش خيال ولا تهبيل ده المنطق والنتيجه الحتميه للي بيحصل او بيتمهد له لو القوي السياسيه ما فاقتش لنفسها وفكرت في مصلحة مصر قبل مصلحتها علي الاقل في الخمس سنين الاولانيين لغايه م يتحط الاساس اللي تتبني عليه الدوله وبعد كدا كل واحد يعمل اللي هو عايزه ويدور علي مصالحه براحته لو القوي السياسيه مشتغلتش لمصلحة مصر وحطتها فوق كل اعتبار المصريين هيلاقوا نفسهم وشهم في وش عمر سليمان او اي حد شبهه وساعتها لاهيبقي فيه اخوان ولا سلفيين ولا ليبراليين ولا .............. ولا عزاء للأغبياء والانتهازيين .
ليست هناك تعليقات:
إرسال تعليق