من ساعة ما ثورتنا البيضاء قامت ونورت الدنيا والواحد عمال يقري عن الثورات اللي حصلت في العالم علشان عايز يعرف هو اللي بيحصل عندنا ده حاجه عاديه حصلت قبل كدا وللا احنا بدع من الثورات ومنفردين بتداعيات الثوره .. الحقيقه وعلي راي الدكتور المعتز بالله عبد الفتاح ده فيلم متكرر وهو يقصد المرحله الانتقاليه ومشاكلها من الفوضي الامنيه للازمه الاقتصاديه والمطالب الفئويه الحاجات دي عاديه وبتحصل في كل الثورات انما عوامل فشل الثورات هي دي الحاجه الوحيده اللي مش في كل الثورات واللي واضحه بجلاء في الثوره البرتقاليه باعتبارها اقرب ثوره لثورتنا وثورة تونس من حيث الزمن وباعتبارها بدأت في الفشل او فشلت فعلا في تحقيق اهدافها وبالمقارنه بينها وبينا بنلاقي اننا بنسلك نفس الاتحاهات وبيردد البعض نفس الكلام الفاشل اللي ادي لفشل الثوره البرتقاليه
ايه هي الثوره البرتقاليه ؟ هي ثوره بدأت في أوكرانيا في نوفمبر 2004 الي يناير 2005 بعد انتخابات رئاسيه شابها الفساد .. ولو بصينا علي الوضع في اوكرانيا قبل الثوره هنلاقيه شبه الوضع في مصر بالظبط - فوووله واتقسمت - وجود طبقه فاسده من رجال الاعمال ،تمثيل سياسي هزلي في البرلمان اللي تحول لنادي لرجال الاعمال سرقة الغاز المستورد من روسيا وبيعه، بيع مقاعد البرلمان للي يدفع أكتر سرقة ونهب البنوك عن طريق قروض لرجال الاعمال بضمانات وهميه ، ارتفاع نسبة البطاله .. يعني الخلاصه الغني يزداد غني والفقير يزداد فقرا .
الفرقين الوحيدين بينا وبينهم 1- ثورتهم كان لها قائد هو فيكتور يوشينكوا رئيس الوزراء الاسبق وقتها ورئيس اوكرانيا بعد الثوره .. بعكس ثورتنا اللي شعبيه بامتياز وليس لها قائد وده من حسن حظنا الان وجود قائد علي الاغلب بيؤدي للعوده للاستبداد
2- ان الثوره البرتقاليه كان لها رعاه رسميين من داخل وخارج اوكرانيا وهم بعض رجال الاعمال المناوئين للرئيس المخلوع يانكوفيتش وبعض اجهزت المخابرات الخارجيه او بمعني أخر بعض الانظمه الغربيه اللي دعمت الثوره البرتقاليه بالمال حتي تحقق مكاسبها وده بردوا عكس الوضع عندنا لان الثوره المصريه ثوره شعبيه عفويه ليس لها اي راعي رسمي الا الشعب والغرب والشرق لما حب يدعم مصر ماديا دعمها حتي يسيطر علي طموحات الثوار ويقلل من تداعيات اللي ممكن تضر مصالحهم يعني نقدر نعتبر ان الاموال اللي بتندفع غالبا مشروطه وممكن تمثل جزء من الثوره المضاده لحرف الثوره عن تحقيق أهدافها .. وربنا يستر .
أما أسباب وعوامل الفشل وهي دي اللي ربنا يستر منها واللي انا شايفاها عماله توضح مع الوقت وهي دي اللي الواحد مرعوب منها لان فيه ناس بتحاول تاخدنا ليها بعضهم عن جهل وبعضهم عن عمد والواحد مش بيعفي الجاهل من المسئوليه لان الطريق الي جهنم مفروش بالنوايا الحسنه . والسؤال لماذا فشلت الثوره البرتقاليه هو اللي ممكن يحمي ثورتنا من الفشل لو أخدنا العبره ماهو التاريخ البعيد والقريب عبر لمن يعتبر .
اول حاجه فشلت الثوره البرتقاليه فيها هي مكافحة ومحاربة الفسااااااد المتجذر في الدوله لمده طويله وبدل ما عم يوشينكوا يضرب عليه بيد من حديد وياخد موقف حاسم وحازم من الفاسدين كانت قبضته متراخيه عمل فيها اصلاحي ودخل مع الفاسدين في حوارات خلتهم تسللوا للحياه السياسيه تاني وسيطروا علي الوضع وبقي هو مجرد رئيس زيه زي اللي قبله وظل الفساد زي ما هو ويمكن رعرع أكتر.. وهو ده اللي بيحصل عندنا بالضبط من قبيل عفا الله عما سلف ورجال الاعمال لازم نتصالح معاهم عشان الاقتصاد يتصلح حاله والحوار الوطني لازم يشمل الجميع بدون اقصاء وفي الحوار الوطني امبارح نلاقي فلول الحزب الوطني ورجال الاعمال الفاسدين قاعدين مع الثوار في مكان واحد وكأننا ماشيين علي خطي عم يوشنكوا ومبنتعلمش حاجه من التجارب السابقه عشان نصحي في يوم من الأيام نلاقي نفس الفاسدين اللي كانوا وراء انهيار نظام مبارك الفاسد هم نفسهم تسللوا لحياتنا السياسيه والاقتصاديه من جديد من خلال انتخابات مجلس الشعب واللي المجلس العسكري مُصر فيها علي النظام الفردي مش فاهمه ليه ونلاقيهم أعادوا انتاج النظام السابق في ثوب جديد وهو ثوب الثوره وهيفضل الوضع اللي قبل الثوره قائم ويمكن يبقي اسوأ
تاني حاجه فشلت الثوره البرتقاليه هو انهيار ثقة الشعب في الحكومه .. صحيح احنا في حكومه انتقاليه لكن مش مطلوب ان تنهار ثقة الناس في الحكومه او المجلس العسكري نتيجة تراخي قبضتهم في امور كثيره تحتاج للحسم وليس للحوار كتطبيق القانون علي البلطجيه ومثيري الفتن و كل الفاسدين بلا استثناء من رموز النظام السابق ورجاله و اللي ممكن يتحول بعد كدا لاتهام للقائمين علي شئون الدوله بخيانة مبادئ الثوره ومحاولة الضغط علي الثوار والشعب للتحول بها عن اهدافها اللي قامت من أجلها . لان التراخي ده بيدي فرصه لخفافيش الظلام في العمل وترتيب اوراقها واعادة انتاج النظام السابق لمصلحتهم .
ثالث جاجه هي ادث لفشل الثوره البرتقاليه هي انصراف الشعب والرعاه الرسميين عنها وعن دعمها لياسهم منها ولانها فشلت في تحقيق أهدافها .. وزي ما قلت قبل كد احنا في مصر معندناش راعي رسمي ولا حد بيدعم الثوره غير الشعب المصري وكنتيجه حتميه لحالة التراخي من الحكومه والمجلس العسكري والسيوله الامنيه اليي تعتبر جزء من الثوره المضاده والفوضي الاعلاميه ممكن جدا الناس تزهق وتيأس مع الوقت وهو ده اللي بيراهن عليه كل فاسد في مصر و كل متضرر من الثوره خارج مصر للقضاء علي الثوره او اعادة توظيفها بما يخدم مصالحه ومش بالضروره يكون من الفلول لأن فيه انظمه غربيه وشرقيه اتضررت من الثوره وهتدفع نص ثرواتها عشان الثوره دي تفشل وما تحققش أهدافها .
وعلشان نتفادي النتيجه المهببه دي لازم ننزل التحرير تاني لانه زي ما قال بلال فضل أكبر غلطه عملناها اننا سيبنا التحرير قبل ما نحقق كل مطالبنا وهو طبعا عنده حق لانه دخلنا في متاهات كتير بتحاول تحرف الثوره عن اهدافها وتغرقنا في الفوضي ولازم تكون أهدافنا واضحه ومحدده لا خلاف عليها .
اولها انه لا تصالح ولا حوار مع رموز الفساد بأي صوره من الصور لا حوار وطني ولا حوار قومي ولا تقولو عفا الله عما سلف عشان كل الكلام ده يعتبر ثوره مضاده.. وحل المجالس المحليه اللي الوحد مش فاهم هم ساكتين عليها لغاية دلوقت ليه ؟!! رؤساء الجامعات والعمداء قاعدين يعملو ايه لازم يمشوا كلهم ناس فاسدين وهدفهم افشال الثوره علشان ميتحاسبوش علي فسادهم ايام النظام السابق
ثانيا محاكمة الفساد بشفاقيه وتطبيق القانون علي الجميع بلا استثناء يعني العادلي ومبارك ومراة مبارك وولاد مبارك مش علي راسهم ريشه لازم يقفوا في القفص قدام الناس عشان الناس تصدق انهم بيتحاكموا ده حق الشهداء قبل ما يكون حق حد تاني
ثالثا رفض اية مساعدات مشروطه زي مساعدات فرنسا وامريكا والسعوديه .. بلدنا مش هفيه ولا احنا شحاتين والشعب مش هيتنازل عن حقه علشان كدا المجلس العسكري والحكومه مقدامهمش حل غير انهم يبقوا مع الناس لوكانو حريصين علي البلد اقصر طريق بين نقطتين هو الخط المستقيم مش عايزين لف ولا دوران واذا وزير الماليه مش عارف يحلها علماء الاقتصاد ماليين البلد .. البلد اللي منهارش اقتصادها بعد النكسه ولا بعد الازمه الماليه هينهار بعد ثوره 18 يوم .. شئ غريب !!
رابعا تطهير الاعلام والقضاء من الفاسدين عايزين نحس اننا في ثوره وكل واحد
كا ن مع النظام وضد الناس لازم يتحاسب ويبعد عن موقعه عشان نحمي ثورتنا ومش عايزين نسمع نغمة عفا الله عما سلف لان الشعب خلاص فاهم كويس جدا ان مين اللي معاه ومين اللي ضده .
وفيه مطالب كتير تانيه لسه ما اتحققتش موجوده علي الرابط ده هنا ( رابط منقول) المطالب دي لو اتحققت ساعتها بس نقدر نقول ان الثوره حققت اهدافها
لكن للأسف لسه فيه ناس مش قادره تستوعب ان الشعب اللي قبل 25 يناير غير الشعب اللي بعد 25 يناير وان الناس مش هتتنازل ولا هتسمح ان دم الشهداء يروح هدر ولا اننا نرجع للي كنا ضده قبل الثوره ولا ان البلد ترجع لورا او انها تخدم مشاريع لمصالح اي حد غير الشعب المصري اللي بجد .. شعب ميدان التحرير والقائد ابراهيم وحي الاربعين ...الي اخره - انسوا - واللي بيحب البلد دي لازم يمشي ورا الشعب وينجز ومن غير لف ولا دوران الناس هتنزل يوم 27 مايو علشان خاطر مصر علشان تحس بالتغيير علشان مش هتسمح بالفشل واللي حمي الثوره لازم يحمي مصر الثوره مش خلع حسني وشوية حراميه وفاسدين الثوره يعني نحس بالتغيير واللي مع الشعب لازم يساعد علي التغيير .. ولنا في التاريخ القريب عبره من لمن يعتبر .
ايه هي الثوره البرتقاليه ؟ هي ثوره بدأت في أوكرانيا في نوفمبر 2004 الي يناير 2005 بعد انتخابات رئاسيه شابها الفساد .. ولو بصينا علي الوضع في اوكرانيا قبل الثوره هنلاقيه شبه الوضع في مصر بالظبط - فوووله واتقسمت - وجود طبقه فاسده من رجال الاعمال ،تمثيل سياسي هزلي في البرلمان اللي تحول لنادي لرجال الاعمال سرقة الغاز المستورد من روسيا وبيعه، بيع مقاعد البرلمان للي يدفع أكتر سرقة ونهب البنوك عن طريق قروض لرجال الاعمال بضمانات وهميه ، ارتفاع نسبة البطاله .. يعني الخلاصه الغني يزداد غني والفقير يزداد فقرا .
الفرقين الوحيدين بينا وبينهم 1- ثورتهم كان لها قائد هو فيكتور يوشينكوا رئيس الوزراء الاسبق وقتها ورئيس اوكرانيا بعد الثوره .. بعكس ثورتنا اللي شعبيه بامتياز وليس لها قائد وده من حسن حظنا الان وجود قائد علي الاغلب بيؤدي للعوده للاستبداد
2- ان الثوره البرتقاليه كان لها رعاه رسميين من داخل وخارج اوكرانيا وهم بعض رجال الاعمال المناوئين للرئيس المخلوع يانكوفيتش وبعض اجهزت المخابرات الخارجيه او بمعني أخر بعض الانظمه الغربيه اللي دعمت الثوره البرتقاليه بالمال حتي تحقق مكاسبها وده بردوا عكس الوضع عندنا لان الثوره المصريه ثوره شعبيه عفويه ليس لها اي راعي رسمي الا الشعب والغرب والشرق لما حب يدعم مصر ماديا دعمها حتي يسيطر علي طموحات الثوار ويقلل من تداعيات اللي ممكن تضر مصالحهم يعني نقدر نعتبر ان الاموال اللي بتندفع غالبا مشروطه وممكن تمثل جزء من الثوره المضاده لحرف الثوره عن تحقيق أهدافها .. وربنا يستر .
أما أسباب وعوامل الفشل وهي دي اللي ربنا يستر منها واللي انا شايفاها عماله توضح مع الوقت وهي دي اللي الواحد مرعوب منها لان فيه ناس بتحاول تاخدنا ليها بعضهم عن جهل وبعضهم عن عمد والواحد مش بيعفي الجاهل من المسئوليه لان الطريق الي جهنم مفروش بالنوايا الحسنه . والسؤال لماذا فشلت الثوره البرتقاليه هو اللي ممكن يحمي ثورتنا من الفشل لو أخدنا العبره ماهو التاريخ البعيد والقريب عبر لمن يعتبر .
اول حاجه فشلت الثوره البرتقاليه فيها هي مكافحة ومحاربة الفسااااااد المتجذر في الدوله لمده طويله وبدل ما عم يوشينكوا يضرب عليه بيد من حديد وياخد موقف حاسم وحازم من الفاسدين كانت قبضته متراخيه عمل فيها اصلاحي ودخل مع الفاسدين في حوارات خلتهم تسللوا للحياه السياسيه تاني وسيطروا علي الوضع وبقي هو مجرد رئيس زيه زي اللي قبله وظل الفساد زي ما هو ويمكن رعرع أكتر.. وهو ده اللي بيحصل عندنا بالضبط من قبيل عفا الله عما سلف ورجال الاعمال لازم نتصالح معاهم عشان الاقتصاد يتصلح حاله والحوار الوطني لازم يشمل الجميع بدون اقصاء وفي الحوار الوطني امبارح نلاقي فلول الحزب الوطني ورجال الاعمال الفاسدين قاعدين مع الثوار في مكان واحد وكأننا ماشيين علي خطي عم يوشنكوا ومبنتعلمش حاجه من التجارب السابقه عشان نصحي في يوم من الأيام نلاقي نفس الفاسدين اللي كانوا وراء انهيار نظام مبارك الفاسد هم نفسهم تسللوا لحياتنا السياسيه والاقتصاديه من جديد من خلال انتخابات مجلس الشعب واللي المجلس العسكري مُصر فيها علي النظام الفردي مش فاهمه ليه ونلاقيهم أعادوا انتاج النظام السابق في ثوب جديد وهو ثوب الثوره وهيفضل الوضع اللي قبل الثوره قائم ويمكن يبقي اسوأ
تاني حاجه فشلت الثوره البرتقاليه هو انهيار ثقة الشعب في الحكومه .. صحيح احنا في حكومه انتقاليه لكن مش مطلوب ان تنهار ثقة الناس في الحكومه او المجلس العسكري نتيجة تراخي قبضتهم في امور كثيره تحتاج للحسم وليس للحوار كتطبيق القانون علي البلطجيه ومثيري الفتن و كل الفاسدين بلا استثناء من رموز النظام السابق ورجاله و اللي ممكن يتحول بعد كدا لاتهام للقائمين علي شئون الدوله بخيانة مبادئ الثوره ومحاولة الضغط علي الثوار والشعب للتحول بها عن اهدافها اللي قامت من أجلها . لان التراخي ده بيدي فرصه لخفافيش الظلام في العمل وترتيب اوراقها واعادة انتاج النظام السابق لمصلحتهم .
ثالث جاجه هي ادث لفشل الثوره البرتقاليه هي انصراف الشعب والرعاه الرسميين عنها وعن دعمها لياسهم منها ولانها فشلت في تحقيق أهدافها .. وزي ما قلت قبل كد احنا في مصر معندناش راعي رسمي ولا حد بيدعم الثوره غير الشعب المصري وكنتيجه حتميه لحالة التراخي من الحكومه والمجلس العسكري والسيوله الامنيه اليي تعتبر جزء من الثوره المضاده والفوضي الاعلاميه ممكن جدا الناس تزهق وتيأس مع الوقت وهو ده اللي بيراهن عليه كل فاسد في مصر و كل متضرر من الثوره خارج مصر للقضاء علي الثوره او اعادة توظيفها بما يخدم مصالحه ومش بالضروره يكون من الفلول لأن فيه انظمه غربيه وشرقيه اتضررت من الثوره وهتدفع نص ثرواتها عشان الثوره دي تفشل وما تحققش أهدافها .
وعلشان نتفادي النتيجه المهببه دي لازم ننزل التحرير تاني لانه زي ما قال بلال فضل أكبر غلطه عملناها اننا سيبنا التحرير قبل ما نحقق كل مطالبنا وهو طبعا عنده حق لانه دخلنا في متاهات كتير بتحاول تحرف الثوره عن اهدافها وتغرقنا في الفوضي ولازم تكون أهدافنا واضحه ومحدده لا خلاف عليها .
اولها انه لا تصالح ولا حوار مع رموز الفساد بأي صوره من الصور لا حوار وطني ولا حوار قومي ولا تقولو عفا الله عما سلف عشان كل الكلام ده يعتبر ثوره مضاده.. وحل المجالس المحليه اللي الوحد مش فاهم هم ساكتين عليها لغاية دلوقت ليه ؟!! رؤساء الجامعات والعمداء قاعدين يعملو ايه لازم يمشوا كلهم ناس فاسدين وهدفهم افشال الثوره علشان ميتحاسبوش علي فسادهم ايام النظام السابق
ثانيا محاكمة الفساد بشفاقيه وتطبيق القانون علي الجميع بلا استثناء يعني العادلي ومبارك ومراة مبارك وولاد مبارك مش علي راسهم ريشه لازم يقفوا في القفص قدام الناس عشان الناس تصدق انهم بيتحاكموا ده حق الشهداء قبل ما يكون حق حد تاني
ثالثا رفض اية مساعدات مشروطه زي مساعدات فرنسا وامريكا والسعوديه .. بلدنا مش هفيه ولا احنا شحاتين والشعب مش هيتنازل عن حقه علشان كدا المجلس العسكري والحكومه مقدامهمش حل غير انهم يبقوا مع الناس لوكانو حريصين علي البلد اقصر طريق بين نقطتين هو الخط المستقيم مش عايزين لف ولا دوران واذا وزير الماليه مش عارف يحلها علماء الاقتصاد ماليين البلد .. البلد اللي منهارش اقتصادها بعد النكسه ولا بعد الازمه الماليه هينهار بعد ثوره 18 يوم .. شئ غريب !!
رابعا تطهير الاعلام والقضاء من الفاسدين عايزين نحس اننا في ثوره وكل واحد
كا ن مع النظام وضد الناس لازم يتحاسب ويبعد عن موقعه عشان نحمي ثورتنا ومش عايزين نسمع نغمة عفا الله عما سلف لان الشعب خلاص فاهم كويس جدا ان مين اللي معاه ومين اللي ضده .
وفيه مطالب كتير تانيه لسه ما اتحققتش موجوده علي الرابط ده هنا ( رابط منقول) المطالب دي لو اتحققت ساعتها بس نقدر نقول ان الثوره حققت اهدافها
لكن للأسف لسه فيه ناس مش قادره تستوعب ان الشعب اللي قبل 25 يناير غير الشعب اللي بعد 25 يناير وان الناس مش هتتنازل ولا هتسمح ان دم الشهداء يروح هدر ولا اننا نرجع للي كنا ضده قبل الثوره ولا ان البلد ترجع لورا او انها تخدم مشاريع لمصالح اي حد غير الشعب المصري اللي بجد .. شعب ميدان التحرير والقائد ابراهيم وحي الاربعين ...الي اخره - انسوا - واللي بيحب البلد دي لازم يمشي ورا الشعب وينجز ومن غير لف ولا دوران الناس هتنزل يوم 27 مايو علشان خاطر مصر علشان تحس بالتغيير علشان مش هتسمح بالفشل واللي حمي الثوره لازم يحمي مصر الثوره مش خلع حسني وشوية حراميه وفاسدين الثوره يعني نحس بالتغيير واللي مع الشعب لازم يساعد علي التغيير .. ولنا في التاريخ القريب عبره من لمن يعتبر .
